FANOMPOAMPIVAVAHANA ANTAROBIA

Miditra ny mpandray anjara miaraka @ Mpitandrina (mitsangana ny rehetra)

I-TENY FANOMBOHANA – INVOCATION

Mpitandrina:Amin’ny anaran’ny Ray sy ny Zanaka ary ny Fanahy Masina.

Au nom du Père, du Fils et du Saint-Esprit.

Fiangonana:Amen(mipetraka ny Fiangonana

II-FIFAMPIARAHABANA – SALUTATION APOSTOLIQUE ET ACCUEIL

III-FIDERANA AN’ANDRIAMANITRA – LOUANGE

Famakiana mifandimby ny Salamo faha-30:1-12 

1 Hanandratra Anao aho, Jehovah ô; fa nanintona ahy niakatra Hianao, ka tsy nataonao ho fifalian’ny fahavaloko aho.

2 Jehovah Andriamanitro ô, nitaraina taminao aho, dia nahasitrana ahy Hianao.

3 Jehovah ô, efa nampakatra ny fanahiko avy tany amin’ny fiainan-tsi-hita* Hianao; efa nampody ny aiko Hianao, mba tsy ho isan’izay midina any an-davaka aho.[Heb: Sheola]

4 Mankalazà an’i Jehovah, ry olony masina, ka miderà ny anarany* masina.

5 Fa indray mipi-maso ihany ny fahatezerany; nefa mandritra ny andro iainana kosa ny fankasitrahany; amin’ny hariva dia misy fitomaniana tonga hivahiny miloaka alina; Fa nony maraina kosa dia misy fihobiana.

6 Ary hoy izaho, raha mbola niadana*: tsy hangozohozo mandrakizay aho.

7 Jehovah ô, noho ny fankasitrahanao dia nampitoerinao mafy ny tendrombohitro; nanafina ny tavanao Hianao, dia ory aho.

8 Hianao no nantsoiko, Jehovah ô; ary Jehovah no nifonako hoe:

9 Inona no soa azo amin’ny rako sy ny hidinako any an-davaka? Hidera Anao va ny vovoka? Hanambara ny fahamarinanao va izany?

10 Mihainoa, Jehovah ô, ka mamindrà fo amiko; Jehovah ô, aoka ho Mpamonjy ahy Hianao.

11 Efa nampody ny fisaonako ho fandihizana Hianao; efa nanaisotra ny lamba fisaonako Hianao ka nampisikina ahy fifaliana,

12 Mba hankalazan’ny fanahiko* Anao ka tsy hangina. Jehovah Andriamanitro ô, hidera Anao mandrakizay aho.

Amen

IV-VAVAKA FIDERANA – PRIERE de LOUANGE

(mipetraka aorian’ny vavaka)

V-SITRAPON’ANDRIAMANITRA

VI-VAVAKA FIFONANA SY FIAIKEN-KELOKA – PRIERE DE REPENTANCE & CONFESSION DE PECHE

Raiso ary ny fifonan’ny Fiangonana:

Ry Rainay be famindrampo ô, mitalaho Aminao izahay ; mamelà ny helokay ; diovy izahay ho afa-pahotana ;

sasao izahay mba ho afa-keloka, ary havaozy ny fanahinay mba ho vonon-kanompo Anao.

Ny fitiavan’i Jesoa Kristy Zanakao Mpamonjy anay no angatahanay Aminao. Amen.

Mihira ny fiangonana: Ry Andriamanitra Tompo Ray ao an-danitra ô…… Amen

VII-TENY FAMELAN-KELOKA SY FIADANANA – DECLARATION ET ACCUEIL DU PARDON

(mitsangana ny Fiangonana)

VIII-Fifampizarana fiadanana – PARTAGE de PAIX

IX-FANKALAZANA – GLORIA

Mpitandrina:Voninahitra any amin’ny avo indrindra ho an’Andriamanitra –

Gloire à Dieu dans les lieux très hauts

Fiangonana : Ary fiadanana ho ety ambonin’ny tany, amin’ny olona ankasitrahany !

Et paix sur la terre parmi les hommes qu’IL agrée.

(mipetraka aorian’izany)

X-FOTOANA HO AN’NY ANKIZY SY NY SEKOLY ALAHADY : VAVAKA – PRIERE POUR LES ENFANTS

XI-FIHAINOANA NY TENIN’ANDRIAMANITRA – LITURGIE DE LA PAROLE

Mpitandrina: Ho aminareo anie ny Tompo –

Le Seigneur soit avec vous 

Fiangonana:Ary ho amin’ny fanahinao koa!

Et avec votre esprit.

Vavaka hampazava ny teny – Prière d’illumination :

Vakiteny – Lectures bibliques :

(Mitsangana ny fiangonana)

Fiangonana (mihira) :Ray masina ô, manamasina anay amin’ny fahamarinana,

nyteninao no Fahamarinana !

Ô Père saint, sanctifie-nous par ta vérité, ta parole est la vérité ! Amen

Feon-zavamaneno fohy

TORITENY – PREDICATION

Feon-zavamaneno malefaka – Interlude musical et méditation

XII-FANEKEM-PINOANA APOSTOLIKA – SYMBOLE DES APOTRES

(mitsangana ny Fiangonana)

“Mino an’Andriamanitra Ray Tsitoha Mpanao ny lanitra sy ny tany aho.
Ary mino an’i Jesoa Kristy Zanany Lahitokana Tompontsika / Izay notorontoronina tamin’ny Fanahy Masina / nanterak’i Maria Virijina / nijaly raha nanapaka Pontio Pilato / nohomboana tamin’ny hazo fijaliana, / maty ka nalevina, nidina tany amin’ny fiainan-tsi-hita / nitsangana tamin’ny maty tamin’ny andro fahatelo / niakatra ho any an-danitra, / mipetraka eo an-kavanan’Andriamanitra Ray Tsitoha / avy any no hiavian’ny hitsara ny velona sy ny maty /

Mino ny Fanahy Masina, ny Fiangonana masina / manerana izao tontolo izao / ny fiombonan’ny olona masina, ny famelan-keloka  / ny fitsanganan’ny tena amin’ny maty ary ny fiainana mandrakizay. Amena

ANTOKO MPIHIRA – CHORAL

XIII-RAHARAHAM-PIANGONANA – LES ANNONCES

XIV-FANATITRA FISAORANA – OFFRANDES

XV-FANOLORANA ny RAKITRA – PRESENTATION des RECOLTES

(Mitsangana ny fiangonana)

XVI-ANKATOKY NY FANDRAISANA – PRÉPARATION A LA SAINTE CÈNE

Fampianarana: “Miasa @ fotoanan’ny Tompo”

Vavaka fanoloran-tena – Prière de don de soi – fahanginana- silence

XVII-FANAMBARANA NY RAHARAHA NOHEVERIN’NY KOMITY

XVIII-VAVAKA sy FANGATAHAM-PITAHIANA – PRIERE D’INTERCESSION

XIX-TSODRANO – BENEDICTION

XX-FANIRAHINA – ENVOI

Mpitandrina:Voninahitra ho an’Andriamanitra Ray sy Zanaka ary Fanahy Masina

Izay hatramin’ny taloha indrindra sy ankehitriny ary ho mandrakizay!. Mandehana amin’ny fiadanana, ka manompoa ny Tompo amin’ny fahalalana, finoana sy ny asa !

Fiangonana: Isaorana anie Andriamanitra ! Beni soit le nom de Seigneur

Amin’ny anaran’ny Ray sy ny Zanaka ary ny Fanahy Masina.

Au nom du père, du fils et du Saint Esprit. Amen

Feon-java-maneno firavana!(Postlude)

“Ankino amin’i Jehovah ny asanao, Dia ho lavorary izay kasainao.” Ohabolana16:3

Pasteur Alain RAZAFINDRATSIMBA